2 gipusil sa Crips sa Lapulapu

CEBU, Philippines - Duha ka tawo ang gipamusil angol sa gidudahang sakop sa Crips gang sa managlahing lugar sa dakbayan sa Lapulapu sa miaging kaadlawon.

Ang mga biktima mao sila si Albelindo Ochea, nga taga barangay Gun-ob, nga samdan sa buko-buko; ug Jason Pigarido, nga taga barangay Looc pulos sa dakbayan sa Lapulapu, kinsa samdan usab sa bukton.

Si Ochea didto pusila sa ilang lugar nianang ala 1:30 sa kaadlawon, samtang si Pigarido didto usab luthanga sa barangay Looc, nianang pagka- ala 1:45 sa kaadlawon.

Matud pa sa mga biktima nga mao rang grupoha ang namusil kanila nga namay-ongan nilang mga sakop sa Crips gang.

Gipatambalan na ang mga biktima sa hospital, samtang gipangita pa sa kapolisan ang mga kriminal. – BANAT NEWS