Mga fraternities misaad motahod atol sa selebrasyon sa Sinulog 2025

CEBU, Philippines — Alang sa mas hapsay ug mas malinawon nga pagpahigayon sa Sinulog 2025 nipadayag sa ilang kaandam pagtabang ang nagkalain-laing fraternities ug sororities aron makab-ot sa Cebu City Police Office(CCPO) ang maong tinguha.

Kagahapon sa buntag, ang fraternities ug sororities sama sa Tau Gamma Phi, Alpha Phi Omega, Alpha Sigma Phi, Alpha Phi Epsilon ug Alpha Kappa Rho naghiusa pinaagi sa pagpirma sa pledge of commitment nga ang tumong mao ang pagpalig-on sa kawsa nga mapahigayon ang Sinulog 2025 nga wala'y mga kakulian.

Gihulagway ni Police Colonel Antonietto Cañete, City Director sa Cebu City Police Office nga importante ang kooperasyon sa mga fraternities ning Sinulog 2025 sanglit duna sila'y full control sa ilang mga miyembro ilabi na sa pagpahibawo sa mga itugot ug wala itugot panahon sa Sinulog.

"During Sinulog 2025 Festival again we appeal you to impose discipline..Let us abide with the policies, the official rules and regulations issued by the local government," ni Cañete pa.

Mapasalamaton si Cañete sa fraternities nga misanong sa ilang panawagan nga dako og ikatabang sa nagkaduol nga dakong kalihukan sa siyudad.

"Being the advocate of peace and order they wanted that a preventive action must be done before we correct others, mas maganda ma prevent natin rather than to impose some corrective measures," sigon ni Cañete. (BANAT NEWS)