1-oras rotation brownout nasinati sa Sugbu

CEBU, Philippines - Subling nakasinati og usa ka oras nga rotation brownout ang dakbayan sa Sugbo ug pipila ka lugar sa siyudad sa Mandaue epekto sa nasinati nga kakuwang sa suplay sa kuryente dinhi sa tibuok Visayas area.

Ang tigpamaba sa Visayan Electric Company (Veco) Ethel Natera subay sa gipadala niining press statement ang mga lugar nga apektado sa gipatumang rotation brownout mao ang Punta Princesa, tipik sa Sambag-1 ug Sambag-2, Labangon, Guadalupe, Buhisan, Tisa, Apas, Lahug ug Banilad sa dakbayan sa Mandaue.

Matud ni Natera nabalik dayon sa normal ang suplay sa kuryente ning maong mga lugar pagka alas 12 sa udto.

Gipasabot ni Natera nga epekto kini sa nasinati nga 120 megawatts ngadto sa 140 megawatts nga kakuwangan sakuryente sa Visayas grid tungod sa pag-shutdown sa pipila ka mga power plants dinhi sa Visayas.

Tungod niini ang VECO matud ni Natera gipaabot nga makasinati og pagkuwangsa suplay sa kuryente nga i-apod-apod ngadto sa ilang mga konsumidor sa ilang franchise area gikan sa 74.6 megawatts hangtod sa 85.6 megawatts.

Si Natera mipasidaan nang daan sa publiko ilabi na sa ilang mga konsumidor sa ipatumang rotation brownout panahon sa peak hours gikan sa buntag ug pagka hapon. – BANAT NEWS