Pagpasaka'g kaso vs. bana sa mayor may politika

CEBU, Philippines - Si Ricardo “Nonoy” Reluya bana ni San Fernando Mayor Lakambini Reluya mikwestyon kabahin sa pagduso og kasong murder batok kaniya ni Luis Jore.

Matud sa bana sa mayor nga kung si Jore seryoso pa sa iyang pagpasaka og kaso niadto pa unta ug dili iatol nga panahon sa eleksiyon.

“What at this time? It’s been more than a year already. If I were in his shoes, if I were a father who’s daughter has been murdered, I would not sleep a wink or wait another day, I would immediately file a case against my child’s murderer. My point there is why now? Because it’s election time?” matud sa bana sa mayor.

Si Reluya kinsa ang asawa niini magpapili pag-usab isip mayor sa lungsod karong umaabot nga eleksiyon sa Mayo 10, 2010 mipasangil nga dunay kalambigitan sa politika ang pagpasaka og kaso ni Jore batok kaniya ilabi na karon nga walay dagkong isyung malabay ngadto sa iyang asawa.

“I am not saying that Jore is somewhat related to the Canoys, but you see, this is a murder case. That is very serious. You don’t want to wait for year to file such serious charge against someone whom you have suspected of doing it? And because of that long period of waiting, we could say na maybe, naay politika aning tanan,” dugang pa ni Reluya.

Matud ni Reluya nga wala pa niya mabasa ang reklamo nga giduso ni Jore nga nagpasangil kaniyang siya maoy mastermind sa pagpatay sa iyang anak nga si Lalaine niadtong Pebrero 17 sa milabay'ng tuig.

Kahinumduman nga si Lalaine kinsa nag-operate og usa ka convenience store ug internet café diha sa barangay Camputhaw, dakbayan sa Sugbo gipusil ug nakaangkon og mga samad pinusilan sa iyang dughan, ilok, nawong ug bukton nga maoy hinungdan sa iyang kamatayon.

Si Filomeno Amistad, usa ka retired Philippine Army Sergeant nga taga dakbayan sa Carcar maoy suspek sa pagpatay kang Lalaine. Si Jore mipasangil nga si Amistad sakop ni Reluya.

Si Lailaine ug Reluya nagkaila dihang ang biktima nagtrabaho pa kini niadto isip broker sa Bureau of Customs. - Brenda Batuto ug Liv Campo sa The Freeman (BANAT NEWS)