Nawong giluba og buak nga botelya

CEBU, Philippines - Samdan ang usa ka lalaki human kini dunggaba og bu-ak nga botelya didto sa barangay Cansojong, dakbayan sa Talisay pasado alas 3 kagahapon sa buntag.

Ang biktima mao si Manolito Abarquez , 37, minyo , nga taga barangay Cansojong sa nahisgutang dakbayan.

Samtang ang suspetsado giila nga si Billy Baguio, ulitawo, nga taga barangay Tangke sa dakbayan gihapon sa Talisay. Sumala sa kapolisan sa Talisay City Police Station nga nag-tan-aw si Abarquez og duwa nga billiard sa maong lugar dihang kalit lang nga miabot si Baguio nga nagdala og buak nga botelya ug walay daghang langas gihansak kini ngadto sa walang bahin sa nawong sa biktima hinungdan sa pagka-angol sa naulahi.

Daling gidala ang biktima sa tambalanan samtang gipangita pa sa mga kapolisan ang kriminal human kini makasibat.   - BANAT NEWS