87-anyos mokandidatong mayor sa Talisay

CEBU, Philippines - Usa ka 87-anyos nga retiree ang miduso sa iyang Certificate of Candidacy (COC) aron pagkandidato pagkamayor diha sa buhatan sa Comelec sa dakbayan sa Talisay.

Si Talisay City election officer Corazon Moran mibutyag sa Banat News nga si Ruperto Caballero Abapo, residente sa Rabaya Street, barangay Tabunok ang unang miduso sa iyang COC niadtong Biyernes sa buntag.

Matud ni Moran nga kompleto ang lineup ni Abapo ug bisan wala kini party nomination nangangkon kining ang iyang partido mao ang “Bando Abapo Pundok Panaghiusa (BAPP).”

Si Abapo walay gibutang nga profession sa personal data niini gawas lang sa “retiree.” (Brenda Batuto)    (BANATNEWS)