Nanaygon nanulis nasikop

CEBU, Philippines - Nasikop ang usa ka manaygunay human kini nanulis sulod sa usa ka pasaheroan sa dalan Panganiban barangay Pahina Central sa miaging gabii samtang ang Cebu City Police Office mihulam og grupong manakop sa manaygunay sa kadalanan.

Usa ka Lorens Bonghay, taga dalan Sanciangko sa nahisgutang barangay ang nanulis sa usa ka pasahero sa 13C(Talamban-Colon) nga si Don Ali. Matud pa ni PO3 Inocencio Lumayag sa pakighinabi sa Banat News nga ang suspetsado nagpakaaron-ingnong manaygunay apan sa kalit mitupad sa biktima ug mideklarar og tulis.

Ang biktima nakuhaan og duha ka cellphone nga nagkantidad ug 13 mil ug cash niya nga P2, 300, apan nasikop ang suspek atol sa gihimong hot pursuit operation sa mga barangay tanod ug positibong giila sa biktima.

Si Cebu City Police Director Patrocinio Comendador mimando na sa Women’s Desk sa tanang police stations sa pagsikop sa manaygunay sa kadalanan ilabi na sa mga motorista.

Kadtong mga minor dad-on ngadto sa Department of Social Welfare and Development samtang ang mga hamtong pamultahon og P1,000 subay sa ordinansang Anti-Caroling sa dakbayan. - Lesley Caminade (BANAT NEWS)