Cebu flower festival buksan ugma

CEBU, Philippines - Buksan na ugma Nobyembre 18 ang 1st Cebu City Flower Festival nga “nagtangag sa tema nga” Cutflower , a soaring industry”.

   Ang nahisgutang kalihokan buksan pinaagi sa usa ka pasunding ugma sa buntag nga manukad gikan sa Funte Osmeña paingon sa Plaza Sugbo nga bituonan og nagkadaiyang   mga float.

Mokabat sa siyam ka mountain barangay sa dakbayan ang mosalmot sa maong kalihokan nga naglakip sa Sirao, Babag, Bonbon, Malubog,Taptap, Adlaon, Busay, Pung-ol Sibugay ug Guba.

Sugod ugma paingon sa Nobiyembre 20, adunay mga display booth sa mga buwak sa Plaza Sugbo nga nagagikan pa sa nahisgutang mga barangay.

Usa sa tumong sa maong kalihokan mao ang pag-hinumdom sa publiko nga nagpabiling lig-on gihapon ang flower industry dinhi sa dakbayan sa Sugbo. (Sanden J. Anadia)