CEBU, Philippines - Sakyanan sa barangay Sudlon ug motor sa polis nga sakop sa Cebu City Mobile Group (CCMG) giduslak sa wala mailhing mga tawo samtang ang grupo nangibot og mga tinanom nga mga marijuana sa barangay Sudlon 2 niadtong Huwebes sa hapon pasado alas tres.
Nasayran nga ilang nakuha ang 200 ka mga stalks sa marijuana ug 245 ka seedlings sa nahisgutang lugar apan sa dihang ila nang ikarga ang maong marijuana mao nalay ilang gikakurat nga ang dumptruck sa nahisgutang barangay napuno na sa dinuslakan ang mga ligid ug na-flat.
Samtang ang motorsiklo nga gipanag-iya ni PO3 Eugene Duterte gisuyakan usab.
Ang kapolisan karun nagsubay pa kun si kinsa ang tag-iya sa mga marijuana nga gipangtanom sa nahisgutang lugar kini aron mapasakaan na og tukmang silot. (Lesley Caminade) . (BANATNEWS)