Usa ka bulang kalihukan sa anibersaryo sa lalawigan

CEBU, Philippines - Pormal nga gisugdan kagahapong adlawa ang usa ka bulang selebrasyon sa kasaulogan sa ika-440th founding anniversary sa Kapitolyo.

Si Governor Gwendolyn Garcia uban ni Vice Gov. Gregorio Sanchez maoy nangulo sa seremonyas sa pagbukas sa maong anibersaryo sa Kapitolyo pinaagi sa usa ka flag raising ceremony.

Ang kalihukan gitambongan usab sa halos tanang mga mayor sa nagkadaiyang kalungsuran sa probinsiya sa Sugbu ingon man ang pipila ka mga opisyal sa national government agencies.

Sa wala pa mahuman ang maong kalihukan ang bandila sa Kapitolyo gipaubos sa half mast agi og pagyukbo ug pagbangutan sa kamatayon sa kanhi pangulo sanasud Corazon "Cory" Aquino.

Sigun pa ni Garcia nga si Presidente Gloria Macapagal Arroyo motambong unya sa usa sa mga kalihukan sa anibersaryo sa probinsya ug kini mahitabo karong petsa 6 hangtud sa petsa 7 alang sa business forum nga pasiugdahan sa Kapitolyo.

Gipaabot nga morepresentar ni kanhi presidente Sergio Osmeña mao si Minnie Osmeña ang igsoon sa higpit nga kaaway sa politika ni Garcia nga si Cebu City Mayor Tomas Osmeña, aron pagdawat sa memorabilla sa kanhi presidente. (Chester Abadilla ug Rey Pasaporte)