Crusade Against Violence nagsaulog sa anibersaryo

CEBU, Philippines - Nagpahigayon og hilom nga protesta ang mga sakop sa Crusade Against Violence (CAV) kagahapon sa buntag agi og pagsaulog sa ilang ikanapulo ka tuig nga anibersayo dinhi sa Sugbu. Ang maong protesta nga gipangulohan ni CAV national vice president Thelma Chiong nagsugod sa may Basilica Del Santo Niño paingon ngadto sa Fuente Osmeña. Si Chiong ug ang mga kaubanan nagsul-ob og lubos itom nga senina ug palda isip pagtimaan nga ang mga kabos nga mga biktima sa kremin padayon nga nagduhiraw sa pagpangita sa hustisya.

Si Chiong nagkanayon nga hangtud karon iyang gipalanog ang ilang dakong pagsuporta sa pagbalik sa pagpatuman sa death penalty.

Kini aron kaminusan ang mga nanghitabo karon nga mga linuog nga kremin dili lamang dinhi sa Sugbu kundili sa tanang mga probinsiya sa tibuok nasud.

Samtang sa kasong parricide case batok ni PBMA Supreme Master Ruben Ecleo Jr., si Chiong miawhag sa korte nga higpitan unta ang seguridad sa hearing ni Ecleo.  (Chester Abadilla)   (BANAT NEWS)