Way police trainee nga namatay sa hazing - Nerez

CEBU, Philippines – Gipanghimakak ni Police Regional Office (PRO-7) Chief Supt. Lani-O Nerez ang nanggawas nga report niadtong miaging adlaw nga dunay usa ka trainee sa Regional Mobile Group (RMG-7) nga namatay sa hazing diha sa lungsod sa Sibonga.

Si Nerez mipasabot sa mga sakop sa media nga wala siya’y nadawat nga report labot sa nahitabong pagpangulata diin dunay sakop sa RMG-7 nga gi-training nga namatay.

Sumala pa niini nga kun duna pa untay namatay sa RMG-7 siya mismo maoy unang mahibalo niini tungod kay standard operating procedure kini nila sa mga susamang hitabo.

Giklaro niini nga wala gyud nila tuguti sa training nga adunay mga pagpamun-og ingon man hazing kundili mga reasonable exercise lang ang gipahamtang kun duna may kasaypanang nabuhat.

Samtang gika-estorya usab niya mismo ang hepe sa RMG-7 nga si Supt. Rey Lyndon Lawas ug mihimakak nga dunay susamang nahitabo. – Guam Logroño (BANAT NEWS)