Mga contingent nagsangka sa Kabkaban Festival sa Carcar

CEBU, Philippines — Malampuson ang Kabkaban Festival sa Dakbayan sa Carca diin ang kalihokan gisugdan alas 3:00 sa hapon niadtong Sabado ug natapos kini sa alas 8:00 sa gabii.

Nigawas nga mga mananaog mao ang Pertuval sa best in costume ug andas samtang best in music ang Guapopo.

Sa Best in street dancing 2nd runner up ang Pertuval nisunod ang Cabueva ug grand winner ang Bocana.

Sa Ritual Showdown anaa sa ikaupat nga pwesto ang Calipo sunod ang Cabueva, Bocana ug Guapopo ug ang grand champion mao ang Pertuval.

Ang Kabkaban Festival subay kini sa kapistahan sa ilang patrona nga si St. Catherine of Alexandria.

Ug anaa na kini sa ika-425 ka tuig sa ilang pagsaulog sa kapistahan matag Nobiyembre 25, 2024 sa matag tuig.

Kagahapon gipahigayon ang solemn procession sa naandan nila nga rota sa taga Dakbayan sa Carcar. (BANAT NEWS)