Talisay gipasidunggan sa DOH
CEBU, Philippines — Gipasidunggan ang Talisay City Health Office sa Department of Health (DOH) isip highest retention of People Living with HIV (PLHIV).
Si Mayor Gerald Anthony “Samsam” Gullas, Jr. ug Dr. Rey Cesar Bautista maoy nidawat sa pasidungog atol sa 2024 Local Health Systems Award ceremony diha sa Bai Hotel, Dakbayan sa Mandaue.
Matud ni Gullas nga ang Siyudad sa Talisay nagpabilin sa ilang saad nga ilang hatagan og pagtagad ang mga tawo nga nakakuha sa sakit nga human immunodeficiency virus (HIV).
Matud ni Gullas nga ilang gipaningkamotan nga ang ilang estilo sa programa komprehensibo ug makatarunganon sa kaayohan sa paseyente.
Gipahibawo ni Gullas nga kanunay’ng abli ang City Health Office alang sa mga tawo nga gusto nga magpaeskamin ug magpaalim.
Gipasabot ni Gullas nga wala sila ni-discourage sa kaso nga ingon niini apan sila nitanyag og tabang aron mahatagan og kaayohan.
“We need to stop the stigma associated with these cases. Let us normalize acceptance, support, and help them live fulfilling lives, because in the end, we are all human”, tipik sa pamahayag ni Gullas.
Padayon ang pag-edukar sa taga City Health Office kalabot sa HIV aron matapos ang dili maayo nga huna-huna sa tawo sa maong matang sa sakit. (BANAT NEWS)
- Latest
