City Hall gibasol ni Gwen

CEBU, Philippines – Gibasol ni Gobernador Gwendolyn Garcia ang kalangay pag-isyu sa building permit sa Cebu City ang hinungdan nga wala pa makasugod og pagtukod og bag-ong building ang Cebu Provincial Police Office (CPPO) diha sa Sudlon Lahug.

Matud pa ni Garcia nga gidugay-dugay pag-isyu ang building permit sa City Hall ug nakalusot lang kini dihang napirmahan ni Bise Mayor Michael Rama kinsa niadtong higayona nahimong acting mayor human si Mayor Tomas Osmeña ni-leave ug nagpatambal sa iyang cancer didto sa Amerika.

Si Garcia nga nagpasalamat kang Rama nga napirmahan ang building permit sa CPPO, mitug-an ang gobernador nga sa wala pa mapirmahi ni Rama ang building permit mihulga-hulga pa si Osmeña nga motukod og karsada diha sa dapit diin tukuron ang building sa CPPO. - Rey Pasaporte (BANAT NEWS)