“Balde-baldeng utak” gikinahanglan – Castro

CEBU, Philippines — Gidepensahan sa Malacañang si Presidente Ferdinand Marcos Jr. nga nitambag sa publiko nga mamalit ng daan og mga balde para mangandam sa gikabalak-ang huwaw o pagnihit sa suplay sa tubig dala sa super El Niño.

Matud pa sa Palasyo, ang pamahayag sa presidente kabahin sa seryusong pagpangandam nga gibuhat karon sa gobiyerno.

Sa press briefing kagahapon, Martes, Oktobre 13, si Palace Press Officer Claire Castro nitubag sa kritisismo sa pipila bahin sa tambag ni Marcos, kay  matud pa nga dili kini komedya ug mas angay pa gani nga seryusohon kini kay dako ang posibilidad nga mograbe pa gyud ang epekto sa El Niño sa umaabot nga mga buwan. “Sineseryoso ng pangulo ang magaganap at nagaganap na at maaaring mag-worsen sa mga susunod na buwan. Ang bawat pagtalakay dito, ang bawat mensahe, ang bawat suggestion, ang bawat mga binibigay na aral sa atin ng gobyerno at ng pangulo, ito ay dapat na sineseryoso,”  matud pang Castro. Kahinumdoman nga atong Oktobre 11, giawhag ni Marcos ang publiko nga andamon ang ilang mga balde ug mga containers kay nagplano ang gobiyerno nga mopakatap og mga impormasyon bahin sa pagkolekta, pag-filter ug treatment sa tubig sa ulan para malimpyo kini ug luwas gamiton sa mga tawo ini og mograbe na gyud ang El Niño.

“Bumili na kayo ng balde para kapag umulan, makolekta na ninyo lahat. Tuturuan namin kayo…we’ll give you the filter. We’ll teach you how to do everything para hindi kayo magkasakit at maayos ang pag-treat ng tubig,” matud pa sa presidente.

Pero ang reaksyon sa uban ilabi na sa social media, pulos bugal-bugal ug pagtamay sa presidente bahin anang iyang tambag.

Gikompirmar ni Castro nga kaning mga balde nga para pagkolekta sa ulan maoy gamiton sa taga Department of Social Welfare and Development (DSWD) nga magtudlo sa bahin sa pagproseso sa tubig para luwas kining magamit.

“Magsasagawa po mismo si Secretary Rex Gatchalian ng video patungkol dito para po kayo ay maturuan,” matud pang Castro.

Daan ng gipahibalo sa mga esksperto ug sa otoridad nga taas kaayo ang posibilidad nga magnihit gyud ang tubig ini og buylo na sa Super El Niño maong kinahanglang dili mag-usik usik og tubig.

Karong bulana lang, gipakubsan sa National Water Resources Board (NWRB) ang alokasyon para sa Metro Manila gikan sa regular nga 50 ngadto sa 53 cubic meters per second gihimo nalang kining 44 cubic meters per second.  Ingon ani ka seryuso ang epekto karon palang sa Super El Niño bisan wala pa kini makabuylo, nga gibugal-bugalan lang sa pipila diha sa social media. “Kailangan po talaga natin ng balde-baldeng utak para po maintindihan niyo po kung ano ang plano ng pangulo,” palabtik pa ni Castro.— IBM BANAT NEWS