CEBU, Philippines – Gipagamit sa Kapitolyo ang mga sakyanan niini sa paghakot sa mga natanggong nga mga pasahero sa kinalit nga welga sa mga drayber sa sakyanang pasaheroan kagahapon.
Gitataw usab ni Garcia atol sa usa ka press conference , nga gawas sa mga kawani sa Kapitolyo gilakip sa pagpanghatod ang ubang mga pasahero ilabina na niadtong namauli ngadto sa kalungsoran.
Mitabang sa pagmonitor ang gobernadora sa nagkalainlaing lugar sa dakbayan diin nagbaha ang natanggong nga mga pasahero tungod kay walay kasakyan..
Nasuta sa gobernador nga apiktado kaayo a ng tanang rota paingon ngadto sa habagatan ug amihanang bahin sa Mtero Cebu .
Hastang mga dump truck gipagamit sa gobernador aron lang ikahatod ang mga pasahero ngadto sa mga lagyong lugar sama sa Carcar City sa habagatan ug sa Danao City sa amihanan. (Chester Abadilla) (BANAT NEWS)