Nagduslak sa kaugalingon

CEBU, Philippines - Kritikal ang kahimtang sa usa ka 21-anyos nga ulitawo human kini miunay og dunggab sa iyang kalawasan sa makadaghang higayon aron magpakamatay sulod sa pinuy-anan niini sa sitio Sipaway barangay Luray siyudad sa Toledo niadtong Miyerkules sa alas 10:05 sa gabii.

Ang buot unta nga magpakamatay mao si Raymund Lebria, 21, molupyo sa nahisgutang lugar ug giingong dunay deperensiya sa pangisip.

Matud pa ni PO3 Roel Tadique sa Toledo City police dihang nahinabi sa Banat News nag-inusara sa sulod sa ilang balay si Lebria niadtong tungura ug giingong kalit mikuhan sa kutsilyo og gidunggab-dunggab ang tiyang walo ka higayon.

Apan usa sa iyang mga kabanay ang nakamatikod sa nahitabo sa sulod og daling mipakgang kaniya ug giilog ang kutsilyo dayong gidali kini og dala sa Toledo City Hospital. - Darrel Carumba (BANAT NEWS)