Pagpatay sa nangilog armas ipasusi ni Ualat

CEBU, Philippines - Gimando ni Sr. Supt. Orlando Ualat ang paghimo’g imbestigasyon sa nahitabong pagpangilog og armas ni Renato Galo Ollave nga maoy hinungdan nga napusilan nila ni PO1 Sailas Linado ug PO2 Ranilo Valiente nga maoy nakaingon sa kamatayon niini.

Si SPO1 Arnulfo Quiachon sa Investigation Detection ang Management Bureau (IDMB) sa dihang nahinabi sa Banat News miingon nga ang kasamtangan nilang gihimo mao ang pagkuha sa mga pamahayag sa pipila ka mga tawo nga nakakita sa maong pagpusil kang Ollave nga nakaingon sa kamatayon niini.

Giangkon ni SPO1 Quiachon nga may suwerte lang nga wala makapabuto si Ollave sa pagkablit sa armas nga nailog gikan kang PO1 Marvin Candido.

Dugang pa niya nga una siyang gipusil sa namatay gition kini kaniya sa tinguha nga pagkomprontasi unta nga ibutang ang gihuptan nga hinagiban nga nailog na niini gikang PO1 Candido,

Si SPO1 Qiachon miingon nga gipadayon pa nila ang mga pagpangandam sa posibleng atubangong kaso nga administratiba nga atubangon sa duha ka mga polis nga nakapusil patay sa biktima.

Gipasabot niya nga nangayo og panabang ang biktima sa mga polis alang sa pagpauli niini ngadto sa Leyte apan sa dihang gitambagan ni PO1 Candido nga adto mangayo sa DSWD kalit kining nasuko ug gilunggob ang gitaken nga kargadang armas ni PO1 Candido nga kalibre 45 nga maoy hinungdan nga napusilan ug namatay. - Romeo T. Limpangog (BANAT NEWS)