Karaang balay naugdaw

CEBU, Philippines - Naugdaw ang usa ka ancestral house sa barangay Tulic, lungsod sa Argao human masunog niadtong Miyerkules sa buntag samtang ang tag-iya milakaw.

Si FO3 Wilfredo Dakay sa Argao Fire Station nagkanayon nga ginama lamang sa light materials ang duha ka andana nga karaang balay nga gipanag-iya ni Sozimo Miranda.

Sumala pa sa imbestigasyon nga si Miranda nagsunog og balay sa lampinig sa kilid sa kahoy tupad sa karaang balay, ug gibiyaan ang gidagkotan nga sulu nga diha sa yuta.

Adunay goma sa ligid nga naabtan sa kalayo nga maoy nakapakaylap sa kalayo ngadto sa bongbong sa karaang balay nga nadiskubrehan ni Sheila, pag-umangkon ni Miranda. - Darrel Carumba (BANAT NEWS)