CEBU, Philippines - Usa ka amahan nga nakadunggab patay sa kaugalingong anak nga lalaki sa ilang panimalay sa barangay Tipolo, dakbayan sa Mandaue gidakop sa kapolisan sa miaging hapon.
Si Alberto Sosa, 43, gisikop sa kapolisan sa Mandaue City Police Office human gipasanginlang midunggab patay sa anak niining si Regie Sosa, 23.
Si PO3 Robert Neri, imbestigador sa Homicide Section nagkanayon nga nagkalalis ang amahan ug anak nga misangpot sa pagpanunggab. Nakadagan pa unta ang anak apan naapsan kini sa migukod nga amahan hinungdan sa kamatayon niini. - Romeo Limpangog ug Bong Soriano (BANAT NEWS)