Cebu - Kritikal ang kahimtang sa usa ka 72 anyos nga lola human kini dasmagi sa usa ka motorsiklo didto sa barangay Cogon West, lungsod sa Carmen niadtong Huwebes sa buntag.
Ang biktima mao si Trinidad Osmeña, 72, nga taga Cogon West, samtang ang drayber sa motorsiklong nakadasmag kaniya mao si Mario Abayon, 25, taga sitio Buyo, barangay Fuente sa maong lungsod.
Nadala sa tambalanan ang biktima samtang ang suspetsado nagtingkagol, sa prisohan. - Darrel Carumba (BANAT NEWS)