CEBU - Lima ka mga cartoon girls ug usa ka bugaw gidakop sa mga sakop saSpecial Weapon and Tactics (SWAT) team sa Mandaue City Police Office (MCPO) didto sa reclamation area sa Mandaue City sa miaging gabii.
Si SPO4 Ariston Bataluna sa MCPO mibutyag sa Banat News nga ang team nila ni SPO2 Jerson Rossende ug PO2 June Cosedo maoy nakadakop sa maong mga babaye nagbaligya sa ilang lawasngadto sa mga lalake.
Angmga dinakpan kansang mga ngalan gipugngan sa kapolisan gihandos dayon ngadto sawomen’s section kinsa mao usab ang mitanggong kanila sa prisohan sa Presinto 2 sa Subangdaku Police Station.
Kagahapon nasang-at ang kasong bagransya ngadto sa hukmanan batok sa mga dinakpan.
Ang hugotnga kampanya sa kapolisan batok sa maong mga cartoon girls gihimo gumikan sa kadaghan na sa mga reklamo nga ilang nadawatgikan sa publiko kalabot sa paghitak sa mga babayeng nagbaligya sa ilang lawas nga pahungawanansa lawasnong kahinam sa mga lalake.
Nahimong popular ang tawag nga cartoon girls kay mao gihapon kining mga babayhana ang maghapin lang og karton diha sa reclamation area sa maong dakbayan samtang makigromansa kini sa mga lalakeng mogamit kanila. – BANAT NEWS