Unabia miluwas sa USPF Panthers
CEBU - Nahimong manluluwas si Yves Oliver Unabia dihang iyang napasulod ang iyang mahinungdanong free throws sa katapusang 12 segundos aron agakon ang University of Southern Philippines Foundation (USPF) Baby Panthers ngadto sa kadaugan batok sa Ave Maria Sanctuary Park, 73-72 sa nagpadayong aksiyon sa 6th M. Lhuillier Kwarta Padala Under-21 Developmental Basketball League didto sa Consolacion Sports Complex.
Sakit kaayo ang naangkong kapildihan sa Ave Maria ni coach Marlon Piodo kay kanunay man kining nag-una hangtod nga naputol kini ni Unabia sa himalatyong oras sa duwa.
Katapusang nilabaw ang Ave Maria sa iskor nga 72-71 gumikan kay si Unabia milunod og duha ka free throws aron luwason ang USPF Baby Panthers gikan sa mga kamot sa Ave Maria.
Si Yves Oliver, anak ni Games and Amusements Board (GAB)-7 ringside physician Jose Unabia mikulit og 15 puntos alang sa USPF Baby Panthers, kinsa nakig-uban sa ilang biktima sa ikatulong dapit sa Bracket B sa managsamang 3-2 nga baraha ning maong torneyo nga gipasiugdahan sa M. Lhuillier Sports Development Foundation (MLSDF) pinaagi sa paningkamot sa ilang executive director ug multi-titled coach Eddie B. Ybañez.
Sa laing duwa, ang Athletes for Christ through Excellent Service (ACES) nimasaker sa Univesity of the Visayas (UV)-Mandaue Academy sa iskor nga 85-68.
Unang miarangkada ang UV-Mandaue ug niposte og 6-0, apan nilabaw na lang kini og uno punto paghuman sa first quarter, 19-18. Apan mao ra kadto ang ilang maayong duwa gumikan kay ang ACES mihimo og 28-14 nga rally sa ikaduhang kuwarter aron pagposte og 13 puntos nga bentaha sa halftime, 46-33.
Ang ACES nagbitbit na karon og 2-1 nga baraha, samtang ang UV-Mandaue nakatilaw sa ikaupat nilang sunod-sunod nga kapildihan.
PUNTOS MATAG USA
Unang duwa:
ACES (85) -- Cabahug 32, Señires 15, Guzon 11, Lacno 9, Milloren 7, Lapiño 6, Po 3, Pinzon 2
UV-Mandaue (68) -- Abesia 15, Casinillo 13, Cortes 12, Retubado 10, Romarate 9, Lacaba 4, Cortes 1, Romarate 1
Ikaduhang duwa:
USPF (73) -- Daan 18, Maraño 16, Y. Unabia 15, Manzo 12, Cabatingan 6, Misa 4, Unabia 2
Ave Maria SP (72) -- Senining 17, Abing 13, Montenegro 11, Heredia 8, Regalado 6, Morales 5, Trillo 4, Pacinto 2, Sayman 2, Semblante 2, Espiritu 2 (THE BANAT)
- Latest
- Trending