CEBU - Giaprubahan sa lungsod sa Liloan ang provisional P2-increase nga pletihan sa mga traysikol sa ilang lungsod agi’g tubag sa petisyon nga gisang-at sa United Tricycle Operators and Drivers of Liloan, Incorporated.
Si Konsehal Ferdinand Jumapao, kinsa chairman sa committee on labor and public service nipatawag og public hearing sa gisang-at nga petisyon diin kini naaprubahan.
Sa katapusang nag-increase ang pletihan niadto pang 2005 dihang gihimong P6 ang plete.
Ang konseho sa lungsod nipatuman sa dugang pletihan sa minimum nga tricycle fare gikan sa P6 ngadto na sa P8 sa unang kilometro apan ang dunay dugang P1.50 ug di P2 kini depende sa gilay-on sa mosunod nga kilometro.
“Between the year 2005 and the current year, the prices of gasoline, lubricants and spare parts had increase several times and so did the value of goods and merchandise affecting ordinary tricycle drivers,” nagkanayon ang unod sa maong resolusyon.
Hinuon ang maong organisasyon nisaad nga ilang sundon ang mandato nga 20 porsiyento diskuwento alang sa mga sumasakay nga tinun-an ug senior citizens.
Ang riding public hinuon wala mosupak sa maong usbaw gumikan kay nakasabot sila sa sitwasyon. – BANAT NEWS