Giluba-patay sa guwardiyang silingan

CEBU – Gidunggab-patay sa usa ka security guard ang lalaki nga nakig-away sa iyang asawa diha sa Villa Socorro barangay Suba siyudad sa Danao alas 8:10 sa milabay’ng gabii.

Ang biktima mao si Isidro Derecho Almeres, alyas Idot, 29, dunay kapuyo ug nagpuyo sa maong barangay human kini makaangkon og daghang samad dinunggaban sa walang bahin sa dughan.

Samtang ang suspek mao ra usab ang iyang silingan nga si Junrey Mendoza, 28, usa ka security guard.

Matud ni SPO4 Edgar Gomez sa Danao City Police subay sa inisyal nga imbestigasyon nagkaaway ang asawa sa suspek nga si Anie Mendoza ug ang biktima.

Ang suspek nga bag-ohay pa lang nga niabot gikan sa trabaho niadtong tungura nisuway kini pagpatunga aron paghilot sa maong panag-away tungod usab kay igsoon ra sa iyang asawa ang kapuyo sa biktima.

Ang biktima nga maayong pagkaigo sa walang bahin sa dughan niini wala na kini mausbi ug gitabang nalang kini sa mga silingan ug gihatod sa Danao District Hospital apan gideklarar sa mga doktor nga dead on arrival. Banat News

Show comments