Si Dangerous Drugs Board Undersecretary Paul Clarence Oaminal, nakigtagbo kagahapong adlawa sa mga kadagkuan sa Office of the Muslim Affairs (OMA-7) aron magpatabang kabahin sa kampanya sa illegal nga drugas.
Si Oaminal personal nga niduaw sa buhatan ni Sakiran Haijan, ang regional director sa OMA-7 aron magpatabang sa Muslim community dinhi sa rehiyon aron dali nilang ma-trace kadtong mga Muslim nga nalambigit sa ginadiling drugas nga mosulod dinhi sa Sugbu.
Gipasabot niini nga gitinguha sa DDB nga adunay close coordination ang ilang buhatan sa mga sakop sa OMA kini tungod kay kini maoy nasayod sa pag-monitor niadtong mga Muslim nga gikan sa Mindanao nga moanhi sa Sugbu.
Dunay daghang mga di pa kumpirmadong reports nga gikan Mindanao ang mga supply sa illegal nga drugas ug gawas sa mga Sugbuanong nangadakpan na nga nagpayuhot og iligal nga drugas dinhi dunay pipila usab sa mga nadakpan nga mga Muslim.
Usa sa iyang gihangyo nga ma-inform gilayon sila sa DDB kun adunay mga Muslim nga gikan sa Mindanao nga nalambigit sa ginadiling drugas aron usab mahimoan nila’g dinaliang aksyon.
Nagtoo si Oaminal nga duna gyuy nga Muslim dinhi sa Sugbu nga nagpalusot sa ginadiling drugas gikan sa Mindanao ug pinaagi sa tabang sa OMA ilang mapugngan ang pagkatap sa drugas dinhi sa Sugbu ug sa rehiyon seite.