Car dealer pasakaan duha ka kaso

Pasakaan og kasong kalapasan sa Anti-Carnapping Law ug Anti Fencing Law ang car dealer nga nadakpan niadtong Lunes diha sa Tisa, dakbayan sa Sugbu atol sa ronda sa mga sakop sa Quezon City Police District ug Regional Intelligence Division (RID)

Gi-inquest na diha sa piskaliya sa miaging gabii si Joseph Cañete.

Matud ni Chief Supt. Federico Terte, deputy director for administration sa PRO-7 nga ila na lang paabuton nga molusot ang warrant of arrest ni Cañete aron ibalhin na ngadto sa Cebu City Jail sanglit sa pagkakaron anaa pa gihapon gitanggong sa PRO-7 ang naulahi.

Gitin-aw ni Terte nga igo lang sila mosuporta sa nagpadayong imbestigasyon sa QCPD aron usab mailhan ang mga koneksyon ni Cañete.

Base sa report sa QCPD ilang gidakop si Cañete niadtong Lunes sa kaadlawon  diha sa dalan Katipunan nianang alas 4 sa kaadlawon samtang nagmaneho sa iyang Starex van nga giingong gikarnap gikan sa Quezon City niadtong Abril 21, 2008.

Gikatahong ang maong Starex van gikarnap niadtong Abril 21, 2008.