12 porsiyentong VAT ipasuspenso

Ang mga sakop sa magbabalaud ug militanteng grupo nanawagan na nga suspensuhon sa gobiyerno ang 12 porsiyento nga value-added-tax sa mga produktong petroleum subay ning pagpunay og saka sa presyo sa gasolina sa merkado sa gawas sa nasud.

Ang maong panawagan natigayon human usab ang mga oil company mipataas na usab sa presyo niadtong Sabado sa P2.00 sa diesel nga maoy ika-18 ka price increase sukad niadtong Enero ning tuiga.

Si Senador Mar Roxas, namahayag niadtong Sabado nga ang pag- insister sa gobiyerno sa pagpadayon sa pagkolekta sa kontrobersiyal nga tax “unconscionable” ug “highly insensitive” sa  administrasyong Arroyo naglantaw nga maalkanse sa P18 billion VAT sa oil collection diin ang nasud nakaproblema sa pundo.

Matud niini nga ang gobiyerno gikinahanglan nga seryosong mokonsiderar sa pagsuspenso sa buhis ug hatagan og pagtagad ang mga konsumedor.

“Dapat may kongkretong plano na resulta ng malawakang konsultasyon sa lahat ng apektadong sector mula sa sektor ng transportasyon, sa mga may-ari ng maliit na negosyo, hanggang sa ordinaryong mamimili,” ni Roxas pa.

Si Roxas nagkanayon nga ang gobiyerno dili unta mohimo og excuse sa mga nag-unang krisis nga mugma sa external factors ug ang administrasyong Arroyo mao unta’y mangulo sa “responsible government” sa tibuok kalibutan nga magsilbing basihan sa maayong ehemplo nga mitabang sa iyang katawhan labot sa pagsaka sa presyo sa lana.

Gisugyot usab sa senador ang nagkada-iyang measures, sama sa reverting to a four-day workweek, relocation sa pundo, aron makapatuman og mga maayong pamaagi sa pag-pugong sa pag-saka sa interest rates.

Dugang pa niini nga ang 14 ka tuig nga high inflation rate sa nasud nga gi-atubang karong mga panahona dili gikan sa “overheating” ug gikan sa internal economic activity tungod usab sa pagsaka sa presyo sa gasolina sa gawas.

Samtang ang mga sakop sa Bagong Alyansang Makabayan (BAYAN) nanawagan na usab sa pag-repeal sa Oil Deregulation Law ingon man pagkanselar sa 12% VAT sa mga produkto sa lana.

“After 18 rounds of oil price hikes this year that bloated the price of diesel by P19.50 oil firms still claim under-recoveries of as much as P7 per liter for June alone.”

Si Bayan Muna public information officer Arnold Padilla nagkanayon nga ang Energy department mipadayag nga legal gihapon kini tungod kay gitugtan sa balaud apan dili kini makiangayon sa katawhan ug ang Deregulation maka-legitimizes lang kini sa pagpangabuso sa mga oil company.