Kritikal ang kahimtang sa usa ka guwardiya human gibunalan og maso ang ulo sa gikainom niining lalaki sa barangay Pitogo, lungsod sa Consolacion sa miaging kaadlawon.
Si PO1 Winston Magdadaro miila sa sikyu nga si Cristituto Lisondra, lumad nga taga Curva, Liloan kinsa gibunalan sa maso nga gidala ni Philips Villamor, nagpuyo sa maong dapit.
Matud pa ni PO1 Magdadaro nga misangpot sa panaglalis ang panag-inom nilang Lisondra ug Villamor hangtod nga si Villamor mibunal sa maso ngadto sa ulo ni Lisondra kinsa nadala sa Vicente Sotto Memorial Medical Center. – Romeo Limpangog