Puya gilubong ilawom sa tulay

Puya nga nadugta napalgan sa mga residente nga gilubong sa ilawom sa 2nd Mactan, Mandaue bridge sa milabay’ng gabii.

Matud pa ni PO1 Remos Real sa homicide section sa kapolisan sa dakbayan sa Lapulapu nga usa ka Anna Lou Ybañez, 15 ug Angelo Caballero, 21  nga taga San Roque barangay Pusok dakbayan sa Lapulapu maoy unang nakabantay nga dunay tawong milubong sa usa ka putos ilawom sa tulay mga ala 1:30 sa milabay’ng hapon.

Gumikan kay wala mahimutang ang duha sa ilang nakita nakonsensiya kini ug gibalikan nila ang dapit nianang pagkagabii  ug gikuykoy ang gilubong.

Nakugang nalang ang duha dihang ang sulod sa maong putos usa ka puyang di na matino kung babaye o lalaki tungod kay nadugta na kini ug igo nalang nilang gipahibalo sa mga polis.