Nalumos ang usa ka 73 anyos nga lolo human managat nga hubog didto sa barangay San Roque, lungsod sa Asturias, Cebu niadtong Huwebes sa ala una sa hapon.
Ang biktima giila sa kapolisan nga si Juan Suansing Cojo, 73, balo ug molupyo sa barangay Tubigagmanok, sakop sa maong lungsod.
Matud ni Insp. Gerald Pelare, deputy chief sa Asturias Police Station sa dihang nahinabi sa Banat News subay sa gipahigayon niining imbistigasyon ang biktima nakainom kini sa sayo pa dihang nakahukom nga managat nianang pagka-udto.
Matud ni Insp. Pelare gituohan sa mga tagtungod sa biktima nga tungod kay nakainom kini og edaran na, posibling nalumos kini sa dagat samtang nanagat niadtong higayona ug wala dayu'y nakakita niini hinungdan nga namatay.
Ang mga tagtungod sa biktima nagdumili na lang pagsanong sa rekomendasyon sa kapolisan nga ipaubos sa autopsy ang patay’ng lawas sa biktima tungod kay hugot ang ilang pagtuo nga usa gyud ka aksidente ang maong panghitabo ug walay foul play sa kamatayon niini.