Mitaho sa kapolisan ang usa ka bombero sa Talisay City Fire Station sa barangay Poblacion human ang iyang motorsiklo ang gipapitlan og epoxy bond sa usa ka babaye kagahapon sa buntag.
Ang biktima mao si SFO3 Arturo Dela Casa, 51, nadestino diha sa Talisay Fire Station.
Ang suspetsado mao si Julie Culango 39, residente sa barangay Poblacion.
Base sa imbestigasyon sa mga polis nga ang motorsiklo ni Dela Casa ang giparada diha sulod sa fire station apan sa walay igong rason giyab-an ni Culango og epoxy bond ang lock sa tangke sa gasolina sa motorsiklo.
Ang epoxy bond milanay ngadto sa switch lock sa yawe hinungdan nga lisod na kining paandaron.
Ang Banat News mitawag sa buhatan ni Dela Casa kagahapon sa hapon aron makuhaan og pamahayag apan off duty kini.