Jack mikisi-kisi sa pamahayag ni Winston Garcia
Labihang nakakisikisi og pamalibad ni Cebu City Councilor Jack Jakosalem sa gibutyag ni GSIS president Winston Garcia nga
Apan matod sa konsehal nga dakong sayop ang gibutyag ni Garcia tungod kay giingong dili mahimo nga siya mobuwag sa ilang grupo (BOPK).
Nagkanayon si Jakosalem nga ang iyang giingon kang Garcia mao nga siya gusto nga mag-bise mayor kang Michael Rama sa umaabot nga 2010 elections.
“Dili gyud na tinood, wala man ko moingon nga mag-vice ko niya, ang akong gisulti nga I wanted to be vice mayor of Mike Rama,” sumala ni Jakosalem.
Apan dili na mahitabo ang pangandoy sa konsehal kung walay kausaban ang gipahibawo ni Mayor Tomas Osmeña ngadto sa mga Sugbuanon.
Ang mayor nituboy na kang city hall education consultant Joy Augustus Young nga ipares kang Rama sa umaabot nga piniliay.
Gani si Rama mismo nagtoo nga dili na mausab ang gipahibawo ni Osmeña tungod kay kini giingong hugtanon nga mobarog sa bisan unsang pamahayag niini.
Nasayran nga si Jakosalem anaa na sa iyang ikatulo ug katapusang termino ug dili na mahimong magpasubli pagpapili sa iyang posisyon sa 2010 elections.
Dili usab mahimong magkongresista si Jakosalem sa north district ubos sa BOPK tungod kay ang anak ni Kongresista Raul del Mar maoy ihulip niini sa iyang biyaan nga posisyon.
Gipadayag hinoon sa konsehal nga kung siya walay laing kadaganan, mas palabihon niya nga mupahuway lang una sa pulitika.
“So wala na dili na lang ko, never, maybe as a consultant na lang after my term kay BOPK ra man gyud ko,” dugang pamahayag ni Jakosalem.
Dili hinoon mapugngan sa konsehal ang pagduda sa uban, nga kini nahadlok lang nga makasab-an ni Mayor Osmeña ug maakusahang maluibon.
Kini ang hinungdan nga labihang nakapangulipas ni Jakosalem sa gibutyag ni Garcia nga kini andam magbisi mayor kaniya sa umaabot nga piniliay.
- Latest
- Trending
