Usa ka surpresa nga drug test ang gipahigayon sa Police Regional Office-7 headquarters sa mga polis niini.
Kining drug test napatuman human mihatag og order si Chief Superintendent Ronald Roderos dihang iyang nadawat ang impormasyon nga ang ubang mga police nga nadestino sa base camp naggamitan sa ginadiling drogas.
“I was the one who ordered the surprise drug test because of the information I received. This is to validate kasi sayang yung information ko kung hindi ko gawin,” matud pang Roderos.
Ang surpresang drug test gipahigayon sa PNP Crime Laboratory, niingon usab si Roderos nga ang drug test parte sa nagpadayong programa sa Philippine National Police sa pag-papas sa mga badlungong mga sakop sa pulis.
Giklaro ni Roderos nga ilang pasakaan og kasong administratiba ang mga polis magdumili pagpa-drug test.
Dugang pa nga ilang tangtangon sa serbisyo kadtong mga masutang positibo sa drug test