Wala mouli sa taxi nadakpan

Nasikop niadtong Sabado sa gabii ang driver sa taxi nga wala mouli sa iyang gimanihong sakyanan sukad niadtong petsa 22 ning buwana.

Ang nasikop ug gitangong sa karsel sa Cebu City Police Office mao si Arthur Boles hingkod ang panuigon, driver sa M&J taxi  human mi-reklamo ang tag-iya niini nga si Ramil Judilla, 39   nga silingan lang usab niini diha sa  sitio Lubi Cabantan St., barangay Luz ning dakbayan.

Ang suspetsado gidakop  mismo ni Judilla inabagan sa mga sakop  sa Police Station 2 sa dakbayan sa Mandaue didto sa barangay Alang-Alang.

Ang suspetsado pasakaan na og kasong carnapping ugmang adlawa   sa dakbayan sa Mandaue.

Si Judilla ni report sa TRS niadtong alas 10:00 pasado sa buntag niadtong Huwebes human wa gibalik ni Boles  ang iyang taxi.