Mga tinun-an sagad maoy mabiktima sa snatchings

Motambong si  Cebu City Police Office director  Patrocinio Comendador   pagpatawag kanila sa session  karong petsa 23 ning buwana alang na sa paghatag og report kabahin sa  mg kaso sa tulis nga naglambigit sa mga tinun-ang biktima.

Sa nasayran nga ang maong lakang gituyo sa konseho may labot sa kamatayon sa tinun-an nga nursing student nga si Ruby Jade Ruba nga nabiktima sa tulis sa  milabay'ng buwan.

Sumala pa niini  mosumiter unya siya og data sa konseho  apan iyang giklaro nga  ang iyang nakita nga mas daghan ang kaso sa snatching nga naglambigit sa mga tinun-an kay sa robbery with homicide nga kaso sama sa kang Ruba.

Hinuon gipadayag niini nga dili pa alarming ang maong isyu gumikan kay mas luwas pa gihapon ang mga tinun-an dinhi sa dakbayan ikumparar sa ubang mga dapit sa nasud.

Bisan tuod kun dunay impact ang nahitabo kang Ruba apan mas nikunhod ang krimen dinhi sa dakbayan ikumparar sa milabay'ng mga tuig.

Gitataw   niini nga  mga tinun-an  gyud maoy  kanunay'ng mabiktima gumikan kay sagad niini wala magpakabana sa palibot.

Gipahimangnoan niini ang mga tinun-an nga  magbantay sa ilang mga butang.

Apan bisan paman niini masaligon siya nga ang dakbayan luwas gihapon  tungod kay usa sa magpamatuod niini nga nagsaka matag tuig ang  enrolles  sa dakbayan.