Pe, COSAP nagpa drug test kagahapon
Lain na usab nga mga empleyado sa
Ang nipaubos sa random drug test mao mismo si konsehal Augustus Pe Jr., ingon man ang iyang mga office personnel.
Lakip na usab niini ang mga drama talents sa dakbayan ug ang mga sakop sa City Office for Substance Abuse Prevention (COSAP) nga maoy nipahigayon sa drug test. Matud ni Pe nga ang test iyang gipasiugdahan aron malimpyohan ang iyang buhatan gikan sa ginadiling drugas.
Kini ilabi na nga ang COSAP mao ang gitahasan pagpahigayon og random drug test sa mga empleyado sa City Hall.
"We are doing this just to make sure nga none of our office personnel are into drugs being the office in-charge of the drug abuse program of the city, kinahanglan nga wala tay labot anang duwaa, kay mawagtang atong moral ascendancy pagkampanya batok sa illegal nga drugas kung apil ta," sumala pa ni Pe. Ang konsehal nga mao usab ang chairman sa Cebu City Anti-Drug Abuse Council (CADAC) nitataw nga ipaubos sa rehabilitasyon kadtong empleyado nga adis-adis.
"Mao man gyud na ang usual nato nga buhaton kun dunay mabiktima sa ginadiling drugas atong ir-ekomendar for rehabilitation" nagkanayon si konsehal Pe.
Apan nidugang ang konsehal nga kinahanglang mo-resign sa trabaho ang mga empleyado nga mapamatud-ang tigamitan sa ginadiling drugas.
Sa paghikay ning balita nagpadayon pa ang pagpahigayon sa kinalit nga drug test ug wala pa matino kung dunay napositibo sa paggamit sa ginadiling drugas.
Kahinumduman nga niadtong miaging buwan, pito ka mga mangingihaw sa Cebu City Modern Abattoir ang gitaktak sa ilang trabaho human usab sila mapamatud-i sa gipahigayong confirmatory drug test nga tigamitan gyud sa ginadiling drugas. Gitataw ni Konsehal Pe nga andam ang iyang buhatan pagpahigayon og kinalit nga drug test alang sa ubang mga empleyado usab sa City hall.
Giklaro hinoon sa konsehal nga kini mag-agad lang usab kung dunay hangyo nga madawat ang iyang buhatan gikan sa nagkadaiyang mga department head.
- Latest
- Trending
