Si Osmundo Manreal Jr. last termer nga kapitan sa Barangay Pooc dakbayan sa Talisay ang nagpabilin gihapon sa paghupot sa pwesto isip presidente sa Association of Barangay Council (ABC) sa dakbayan.
Ang eleksiyon sa ABC ang gipahigayon diha sa people’s hall sa city hall sa milabay’ng adlaw.
Mapasalamaton kaayo si Manreal sa 21 ka kapitan sa mga barangay sa dakbayan nga pabiling ni salig ngadto kaniya ug mihatag og higayon nga matiwas ang mga proyekto sa ABC.
Nagkanayon kini nga adunay 13 ka bag-ong napiling mga kapitan sa mga barangay sa siyudad diin ang iyang gi-prioritized nga proyekto naglangkob sa paghatag og seminar sa mga procedure sa ilang budgeting.
Si Manreal midungag nga ang nahisgutang bag-ong mga kapitan sa barangay ang nagpakita sa ilang ka interesado nga makat-on sa maong procedures.
Ang mapiling ABC president ang mahimong sectoral representative sa barangay ngadto sa konseho.