CFARMC pasusihon sa kamatayon sa dinamitero sa isla
Tahasan sa konseho sa dakbayan sa Lapulapu ang Cebu Fisheries and Aquatic Resource Management Council kon CFARMC sa pag-imbestigar sa illegal fishing nga nahitabo sa isla sa Olango nga mikalas og usa ka kinabuhi ug miangol sa usa ka bata sa milabay’ng adlaw sa kadagatan sa Barangay San Vicente isla sa Olango dakbayan sa Lapulapu.
Kini ang giluwatang pamahayag ni Bise Mayor Mario Amores nga nahinabi sa Banat News.
Matud pa ni Amores dako ang iyang kasubo sa dihang iyang nasayran nga patay diha diha dayon si Marcelo Gerongco ug samaran ang iyang anak nga 13 anyos gumikan sa ilegal nga pagpanagat gamit ang dinamita nga hinimo sa botelya.
Matud pa ni Amores nga nakaila siya ni Gerongco gumikan kay usa kini sa nakabenepisyo sa ilang gihatag nga livelihood program sa isla sa Olango ilabi na sa San Vicente nga kaniadto maoy kusog kaayo sa paghimo og ilegal nga panagat.
Gumikan niini atol sa ilang sunod nga regular session sa konseho ilang tahasan ang CFARMC nga maoy mo-imbestigar sa maong hitabo aron masuta kun aduna bay pagpabaya sa nagdumala sa maong programang livelihood sa mga mananagat sa maong dapit ug nganong naaghat nga mobalik sa iyang ilegal nga pagpanagat si Gerongco.
Subay niini ila usab ipasusi ang kahimtang sa 13 anyos nga bata nga anaa karon sa
Kahinumduman nga sa milabay’ng adlaw si Gerongco uban sa iyang anak nga 13- anyos nanagat sa kalawran sa San Vicente isla sa Olango ug sa dihang migamit kini sa dinamitang gama sa botelya (binayo) wala kini mibuto sa dihang giduslitan gumikan sa makusog nga ulan ug sa dihang gibutang kini sa ilang pumpboat kalit kini nga mibuto hinungdan sa hinanaling kamatayon ni Marcelo ug pagkaangol sa anak niini.
- Latest
- Trending
