Babayeng nagdala’g pusil sa Lapu’ sikop

Usa ka babaye nga nagdala og armas ang nadakpan sa checkpoint sa mga sakop sa Special Weapon and Tactic (SWAT) sa dakbayan  sa Lapulapu.

Ang nadakpan sa SWAT nga gipangulohan ni Inspector Junel Kaadlawon  mao si Maria Rosanna Taneo Lapas, 34 anyos ang panuigon, minyo nga taga Marigondon, dakbayan sa Lapulapu.

Si PO3 Joseph Damasco nga gikahinabi sa Banat News miingon nga gikan sa Olango Island ang nadakpan nga babaye ug sa paghidangat sa Angasil sa pagdunggo sa pump boat wala kini moagi sa teller alang sa pagbayad sa tiket niini.

Ang guwardiya nga misitar nga wala lamang panumbalinga kinsa nakamatikod sa gidala nga armas ang dali nga nakapangayog panabang sa kapolisan sa dakbayan.

Ang SWAT nga naghimo sa ilang checkpoint ang nakamatikod sa suspetsado nga nagsakay na og traysikol kinsa dali usab mipahibalo sa gidala niining armas nga moboto.

Sa pakisusi nga gihimo si Lapas napakyas pagpakita og   permit to carry fire arm gawas lamang sa lisensiya nga maoy hinungdan nga gidakop ug gipasakaan og kaso.