Mga polis libre na'g abogado sa CH
Dili na unya magproblema ang mga polis sa dakbayan sa Sugbu nga mapasakaan ug mag-atubang og kaso ngadto sa hukmanan.
Kini tungod kay duna nay grupo sa mga abogado nga mulaban ug mangabugar kanila sugod karong adlawa.
Ang nahisgutang mga abogado mao ang gikuha nga mga consultant sa siyudad ug gi-assign ngadto sa mga konsehal sa dakbayan.
Labing minos 16 ka mga abogadong consultant sa mga konsehal ang mupirma og Memorandum of Agreement kon MOA alang sa nahisgutang katuyoan.
Ang pinirmahay sa kasabutan gitakda sa buhatan mismo ni Bise Mayor Michael Rama karong alas 3 sa hapon.
Ang mga abogado nga gipaabot nga mupirma sa MOA mao sila si Atty. Virginia Redelosa, Atty. Julius Cesar Entice, Atty. Aquilino Felicitas Jr., Atty. Jose Glenn Capanas, Atty. Casimiro Madarang III, Atty. Maria Lynna Adviento, Atty. Alvin Butch Canares, Atty. Allan Orvien Geotina, Atty. Genesis Ponce, Atty. Donato Gonzales, Atty. Joel Famador, Atty. Leo Canares, Atty. William Boco, Atty. Dennis C. Larrobis, Atty. Daryl Butch Largo, ug kanhi konsehal Manuel Legaspi.
Giklaro ni Rama nga pro bono kon libre ug walay bayad ang serbisyo sa maong mga abogado paglaban niini sa mga polis.
Gitataw hinuon sa bise mayor nga ang labanan sa nahisgutang mga abogado mao lang ang mga polis nga mag-atubang og kaso nga may kalabutan sa ilang trabaho.
- Latest
- Trending
