Kandidatong gipaluyohan sa NPA ibutyag

Mga kandidato alang sa synchronized Sangguniang Kabataan ug barangay election nga gipaluyohan sa mga rebeldeng New People's Army (NPA) ang gikatakdang ipagawas ang mga pangalan sa Commission on Elections (Comelec) karong Oktubre 24 nga mao usab ang pagpahigayon sa final nga command conference.

Si Comelec Provincial Supervisor Lionel Marco Castillano ang mipadayag niini kagahapon sa ilang gipasiugdahang panagtigom nga gipahigayon sa Comelec, kapolisan ug kadagkoan sa Central Command.

Matud ni Castillano nga giduso sa kapolisan ug kasundalohan ang mga pangalan sa kandidato alang sa pagka barangay kapitan sa kabarangayan sa Central Visayas.

Si Castillano nagkanayon nga human sa ilang pagbutyag sa maong mga pangalan nga gisuportahan sa mga rebelde pagahimoon ang operasyon sa pagsikop kanila.

Dugang pa niya nga sa sunod semana ilang ipahibalo ang mga opisyal nga kandidato alang sa nagkadaiyang katungdanan karong  sunod semana.