7 Anyos Gilugos sa adik
Usa ka siyete anyos nga batang babaye ang giamong-amongan sa usa ka 21 anyos nga lalaking rugby boy pinaagi sa pagpasulod sa iyang tudlo ngadto sa kinatawo sa biktima sa miaging hapon pasado alas 3 sa lungsod sa Aloguinsan.
Ang biktima nga tinun-an sa Grade 2 sa elementarya mitug-an sa kapolisan nga gilugos siya sa usa ka giila niining si Sandy Campanilla nga taga barangay Kinasang-an Pardo sa dakbayan sa Sugbu.
Ang suspek gikatahong wala nay klarong pinuy-anan ug diha nalang kini nag-abotan sa balay sa iyang apohan ug uyoan sa barangay Rosario sa maong lungsod.
Sa pasiunang pakisusi sa kapolisan nasayran nga ang biktima makadaghan na hilabti sa suspetsado sa higayon nga mag-inusara ra kini sa ilang pinuy-anan.
Apan niadtong higayona sila rang duha ug sa iyang igsuon diin ang biktima nagduwa-duwa dihang giduol sa suspek ug gisubli na usab ang iyang gibuhat sa pagpasok sa tudlo ngadto sa kinatawo niini apan nadunggan sa apohan ang paghilak sa biktima hinungdan nga nabolabog ang insidente.
Ang inahan sa bata nga nahinabi sa
Matud sa inahan nga sekretong gitawag sa apohan ang biktima ug gipangutana nganong nitig-ik lang kini og kalit.
Diha-diha gitug-anan sa bata nga gipasulod na usab sa iyang kinatawo ang tudlo sa suspek hinungdan nga siya gisakitan.
Sa pagsukit-sukit sa inahan sa iyang anak gitug-anan siya niini nga makadaghan na siya hilabti sa suspek.
“Mao diay nga dunay mga higayon nga ako siyang liguon inig sabon nako sa iyang kinatawo moingon man nga ayaw ma! Ayaw nag hilabti dihang dapita kay sakit kaayo pero dili hinuon tanan sir nga kanang akong liguon siya moreklamo kato ra diay'ng mahilabtan siya sa suspek,” dugang asoy sa inahan.
Pagka alas 7 pasado sa gabii sa susamang adlaw gisikop ang suspek sa Regional Mobile Group ug giturn –over sa presinto.
Ang biktima dad-on ugmang adlawa sa Pink Room sa
Matud pang PO3 Lorenzo Mainit nga magpaabot pa sila sa resulta sa eksaminasyon aron isuporta sa kasong ipasaka batok sa suspek.
- Latest
- Trending
