Gasolinahan gitulis
Nabiktima sa mga tulisan kagahapon sa kaadlawon ang Uni Phil gasoline station diha sa Barangay Linao dakbayan sa Talisay apan kapin lang sa P3 mil ang nadala sa tulo ka wala mailhing tulisan.
Ang maong gasoline station gipanag-iya ni Rafael Escaño.
Si Police Inspector Jaime Santillan ug Police Inspector Leoncio Baligwat Jr. hepe sa theft and robbery section ug homicide section sa kapolisan sa Talisay mibutyag sa Banat News kagahapon sa buntag nga gipasidan-an pa sa mga polis nga nag-roving si Alfredo Espelita, 28-anyos, gwardiya sa Multiplies Security Agency kinsa nadestino sa maong gasoline station nga dili mokompiyansa.
Matud ni Baligwat nga gawas nga si Espelita gwardiya sa nahisgutang establisamento siya usab ang pump boy ug kahera.
Niadtong tungura ang pusil ni Espelita wala niya gitakin sa iyang hawak, gitagoan kini sa hunos tungod kay giingong sakit kini sa iyang hawak inig siya maglihok-lihok.
Tulo ka mga wala mailhing lalaki kinsa nagsakay og XRM nga motorsiklo kolor puwa nga walay plaka ang gitumbok nga mitulis kaniya.
- Latest
- Trending
