Si Atty. Clarence Paul Oaminal ang consultant sa Philippine Drugs Enforcement Agency (PDEA-7) miingon nga mas molig-on pa ang ilang kasobatok kang Calvin Tan human si Simon Lao miboluntaryong himuong state witness kabahin sa mega shabu laboratory diha sa dakbayan sa Mandaue.
Matud pa ni Oaminal ilang gihimoan usab og pakigsabotsabot ang mga abogado ni Joseph Yu alang usab sa pagtug-an sa ilang mga lokal kontak dinhi sa Sugbu.
Iyang giklaro nga bisan paman kun si Lao nahimong testigo sa maong kaso apan limitado ang impormasyon nga mahatag niini nga makatabang sa pagtumbok gyud kang Tan isip maoy financier sa megashabu laboratory.
Sumala pa niini nga si Yu maoy usa sa nagdala sa yawe nga makatug-an kun si kinsa ang mga lokal kontak dinhi sa Sugbu alang sa kasulbaran sa maong kaso.
Gipasabot niini nga posibleng ilang sabuton si Yu nga motug-an sa mga lokal kontak sa mga drug lord.
Kahinumduman nga daan nang namahayag si Rep.Antonio Cuenco nga dako ilang pagtuong dunay mga impluwensyadong tawo sa dakbayan sa Mandaue nga nagpaluyo sa megashabu laboratory.