Court metes Ermita woman 15 years in prison for shabu
Ang anak ug inahan ang nangulo sa kadaugan sa mga kandidato sa One Cebu-ampi sa lungsod sa Daanbantayan bisan dunay duha ka konsehal sa oposisyon ang lakip sa mananaug.
Giproklamar alas dos pasado kagahapon sa hapon si Sun Shimura isip mayor samtang ang iyang inahan nga si incumbent mayor Maria Luisa Loot isip bise-mayor.
Sukwahi sa tuig 2001 ug 2004 nga eleksiyon, pakyas ang grupo ni Loot sa pagpadaug sa walo niya ka kandidato sa pagka-konsehal.
Kini gumikan sa pagdaug usab nilang Atty. Gilbert Arrabis Jr. ug kanhi hepe sa Cebu City Police Office nga si retired Col. Hiram Benatiro sa ika-pito ug ika-walong dapit.
Giangkon sa grupo ni Shimura ug Loot ang gikan sa numero uno hangtud sa ika-unom sa mga konsehal nga sila si Renato Te, Enrique Abucay Jr., Teodoro Luche, Simplicio Mantos, Mamerto Rodrigo ug Zenas Dublin.
Natagak sa grupo ni Shimura mao sila si konsehal Rex Novabos nga nahimutang sa ikanapulo ug ang presidenti sa Liga ng mga Barangay nga si Manuel Linabog sa ika-onse.
Si Bise-Mayor Mariano Diaz nahimutang sa ika-siyam sa pagka-konsehal ubos sa grupo sa oposisyon.
Si Shimura nakakuha og 15,800 ka botos batok sa kaatbang nga si Augusto Corro nga nakakuha og 13,706 ka botos.
Si Loot nakakuha og 16,520 ka botos batok kang kanhi bise-mayor Jose de Leon Jr. nga nakakuha og 12,773 ka botos.—Gregg M. Rubio
- Latest
- Trending
