Kabataan party-list nag-''mock election'' sa Basilica del Sto. Niño

Kabataan Party-list Cebu chapter mihimo og "mock election" dili pa lamang dugay didto sa Basilica del Santo Niño alang sa preprasyon niini sa umaabot nga eleksyon sa Mayo 14.

Ang "mock polls" nga nagsugod sa alas 10 sa buntag ug nahuman sa alas 12 sa udto mikober sa national elective positions ilabi na sa senatorial ug party-list posisyon.

Ang kalihukan gi-organisar sa Institute for Nationalist Studies (INS) nga maoy nahimong mock polls electoral board diin nanghatag usab kini sila og mock ballot forms.

Si Mary Francis Veloso, ang Kabataan Party-list third nominee ug Central Visayas Coordinator miingon nga ang resulta sa gipahigayon nga pagboto ipadala kini ngadto sa Kabataan ug INS national headquarters didto sa Manila pinaagi sa LBC alang sa canvassing.

Gani ang Kabataan miduso nila ni senatorial candidates Koko Pimentel, Chiz Escudero, Allan Cayetano, Loren Legarda, Francis Pangilinan, Joker Arroyo, Ralph Recto, ug Manny Villar kuyog sa ubang party-list sama sa Bayan Muna, Anak pawis, Gabriela Women''s party ug Suara Bangsa Moro.

Matud pa sa Kabataan party-list nga ilang kriteria sa pagduso o suporta sa kandidato mao ang pagpadayon niini nga pagsuporta sa human rights, pagsupak sa nagpadayon nga extrajudicial killings ug ang pag-atake sa katungod sa katawhan.

"Their consistent commitment in upholding human rights, especially their consistent denunciation of the extrajudicial killings and massive human rights violation under the Arroyo administration, and their track record in upholding the people''s interest and willingness to work with us on key issues and concerns and their capability to take an independent stance vis a vis the executive," matud pa sa Kabataan party-list.