Lakip sa gipahimangno ni Comelec-7 regional director Atty. Rene Ray Buac sa mga politiko mao ang paggamit sa kalihukan sa Simbahan sa ilang pamolitika nunot sa pagsugod sa tingkampanya sa mga lokal nga kandidato karong adlawa.
Ang Huwebes Santo ug Biyernes Santo maoy mga adlaw nga gidili ang pagpangampanya, sumala pa ni Buac.
Hinuon giklaro ni Buac nga dili tataw sa balaud ang maong pagdili sa mga politiko apan angayan lang nga tahuron ang kalihukan sa pag-balaan sa Semana Santa.
Samtang nunot sa pagsugod sa adlaw sa pagpangampanya sa mga lokal nga kandidato, giawhag sa Comelec ang mga kandidato sa pagsunod sa lagda sa eleksiyon.
"This is going to be their bible," nagkanayun si Comelec 7 regional election attorney Lionel Marco Castillano.