Si Rey Caputolan, taga Sitio Dancar, Dunggoan sa maong dakbayan kinsa nakaangkon og mga samad pinusilan sa walang bahin sa lawas ug duha sa ibabaw'ng bahin sa iyang bukobuko ang daling gidala diha sa Danao District Hospital apan tungod sa kahimtang niini gibalhin diha sa Vicente Sotto Memorial Medical Center.
Si SPO1 Jose Relampagos, sa Danao Police Station nagkanayon sa pakighinabi niini sa Banat News kagahapon nga ang amahan ni Caputolan mibutyag nga namatay ang biktima kagahapon sa buntag.
Matud ni Relampagos nga natahap sila nga si Caputolan usa ka sakop sa fraternity ug ang mipusil usab niini mga sakop sa laing fraternity.
Base sa imbestigasyon sa kapolisan sa Danao nga si Caputolan adunay mga kauban nga nag-inom diha atubangan sa Ayelet Bakery.
Kalit nga miduol ang tulo ka suspetsado ug usa niini giingong mipusil sa biktima apan ang mga polis natahap nga ang tulo pulos armado ug gitabangan og pusil niini si Caputolan tungod kay lainlain ang direksiyon sa mga samad pinusilan sa biktima.
Ang mga suspetsado daling mibiya sa lugar human sa maong insidente og padayon pa kining gipangita karon sa mga polis.